Gani Gërmia i bën konkurrencë BBVK, do të jetë live në Tik Tok në të njëjtën kohë kur fillon “Prime”

17:18 | 12 Janar 2024
K.B

Dinamikat e lojës sa vijnë dhe bëhen më interesante në shtëpinë e Big Brother Vip Kosova.

Nuk kanë mbetur edhe shumë deri të finalja e madhe, ndërsa banorët po bëjnë një luftë nervash mes vete.

Sonte njëri prej banorëve do të eliminohet.

Në nominin janë, Shqipja, Buci, Linda dhe çifti Adri dhe Iliriana.

Të martën që lamë pas, Gani Gërmia kërkoi që të largohet nga shtëpia.

Ai ka paralajmëruar se sonte duke filluar nga ora 21:00, në të njëjtën kohë edhe kur fillon spektakli ai do të jetë live në Tik Tok.

“Nesër, më 12 janar, në orën 21:00, do të jem live në TikTok për të hedhur dritë mbi peripecitë dhe ngjarjet e fundit në shtëpinë e Big Brother VIP Kosova”, u shpreh ai.

Ai tha se do flas për gjithçka, nga momentet më çmendura deri te historitë më të pabesueshme. Bashkohuni për një bisedë të paharrueshme dhe për të kapur momente ekskluzive./Arbresh.info/